الموت بقلم الشاعر / الدكتور: عبد الرحمن سليمان

بواسطة -
................الموت .......................
ممكن يكون راحه
ممكن يكون ألم
ممكن يكون قصه
أو يكون خط بقلم
فيه واحد بيموت مكشر
وواحد مُبتسم
الوجوه الناضره
للرب بتبتسم
والوجوه الغابره
مفيش غير الندم
الموت أشبه بنومه
والنايم حِلِم
إما كابوس فظيع
أو رؤيا أو نِعَم
إما نحب النوم
أو نوم كُرْه ووخم
النوم أشبه بموته
ونفس بتتقسم
لروح طايره فوق
وجسم فيه شَلَل
..................................
اللى بيحب واحد
يتمنى مقابلته
واللى بيحب ربه
وطمعان فى جنته
أكيد يتمنى يقابله
وتكمل فرحته
واللى عاوز يموت
ويخلص من دُنْيِته
يخسر رضا ربه
ويخسر دُنْيِته
واللى مذاكر كويس
وحافظ مادِّته
أكيد بعد النتيجه
فى أوائل دُفعته
واللى بيكون لربه
مطيع ومقتنع
باللى عطاه له ربه
هيدخل رحمته
...........................
الموت زى المرض
ممكن يكون صديق
وممكن يكون عَدُو
بنشوفه على الطريق
ودايما نشهده
واللى له صديق
بيساعده ويِسْعِده
واللى ليه عَدُو
بيخاف من سِحْنِتُه
ونفسه لو يُحُطه
فى سجن ويسجنه
..............................
الموت زى الحياه
لا لا انا مش موافق
الموت هوه الحياه
بنموت علشان نعيش
وناٰبِّد فوق معاه
وحياتنا من حياته
أبديه ك الإله
علشان كده كلنا
جينا من روح الله
والحياه أشبه بموت
فيها ضمير بيموت
وفيها قلوب بتموت
وفيها عمر كامل
فى لحظه يِعدى يفوت
شاطر اللى يُستر نفسه
فيها بورقة توت
نسبة حياتناالاولى
لنسبة حياتنا التانيه
كذرَّه فى الملكوت
بقلم الدكتور: عبد الرحمن سليمان
فى ٣- ٦ -٢٠١٤

تعليقات

إرسال تعليق

المشاركات الشائعة من هذه المدونة

مَلِكٌ تَلَعْثَمَ(للشاعر يوسف الحمله)

بواسطة -
صورة
  مَلِكٌ تَلَعْثَمَ(للشاعر يوسف الحمله) من مجزوء بحر الكامل مَـلِـكٌ "تَـلَـعْـثَـمَ"فَانْطَفَا                 قَالُوا "انْتِبَاهَ" فَقُلْ صَفَا رَدَّ الَّـذِي مَـلِـكَ "النُّهَى"                 إِنْ قُلْتُ "لَا" فِيهَا الجَفَا إِذْ رُبَّـمَـا فِـي رِحْلَتِي                  أَجِـدِ الخَدِيعَةَ لَا الـوَفَا فَـتَـرَيَّـثُـوا، فَـتَـجَـلُّـدِي                 مِثلَ الثَّعَالِبِ فِي الخَفَا فَـلَـقَـدْ هَربْتُ بِـخِـبـرَةٍ                 أَمَّـا الـحَــدِيـثَ مُسَوِّفَا إِنَّ الـحَـدِيـدَ وَإِنْ بَكَى                 يَبقَى الـبُـكَـاءَ لِـمَنْ هَفَا وَعَنِ الـقَـرَارِ فَلَمْ أَجِبْ                هَــذَا الــقَــرَارُ عَلَى شَفَا وَعَنِ السُّؤَالِ لِـمُـلْــحِــفٍ           ...
قراءة المزيد

(قصيدة أركان اﻹسلام الخمس من 110 بيتا من بحر الكامل ) للشاعر المبدع السيد الديداموني

بواسطة -
صورة
(قصيدة اركان اﻹسلام من 110 بيتا) للسيد الديداموني   بسم الّذي من فضلهِ أعطاني                                وتطيبت بفروضه ألحاني كلّ الفروض أصولها وفروعها                          منْ محكم الآيات في الفرقان نصّ الإله بفرضها ووجوبها                           قول .النّبي هو الدليل الثاني إسلامنا صرحٌ تعدّدَ ركنهُ                             قدْ جاءنا خمسا بلا نقصانِ (1) *********(شهادة التوحيد)*********** فشهادة ُ التوحيد  ركنٌ ثابتٌ                               تعدادها في أول الأركانِ الله  ربي لا شريك لهُ  بلا                   ...
قراءة المزيد

أُمَمٌ عَلَى حَدِّ الكَفَاف (للشاعر يوسف الحمله) من مجزوء بحر الكامل

بواسطة -
صورة
 أُمَمٌ عَلَى حَدِّ الكَفَاف (للشاعر يوسف الحمله)  من مجزوء بحر الكامل جَفَّ ضَابُ مِنَ الحُلُوقْ                 فَانْـتَابَـتِ الجَسَدَ الشُّقُوقْ فِـي كُــلِّ شِـــقٍ مَــدْلَـقٌ               كَـمْ صَبَّ جَهْلاً فِي العُرُوقْ؟ وَتَـقَـاعَسَ الــطِّــبُّ الَّـذِي                 لَا لَــمْ يَـعُـدْ عِـلْـمـاً يَفُوقْ عُفْنَا العُلُومَ كَـمَـا الحُدُودَ                 مَـتَى نَــكُـفُّ عَـنِ العُقُوقْ؟ حَتَّى نَـرَى وَجْـهَ الشُّرُوقِ                فَــمَــا لَــنَــا إِلَّا الـغُـسُوقْ فِي كُـلِّ فِـسْقٍ نَـلْــتَــقِـي                 لِمَ لَا نَـتُـوبُ عَنِ الفُسُوقْ؟ نَـأْبَـى الـحُـقُـوقَ بِنِصْفِهَا               إِنْ لَــمْ تَـكُـنْ كُـلَّ الحُقُوقْ نَخْشَى الـتَّـصَحُّرَ وَالجَفَا    ...
قراءة المزيد