مجلة الكلمة أمانة

معوض حلمي شاعر عامية ‏ :: المحبة ف قلبي ديني :: ليه يادنيا محيراني .. ظلماني ليه  ومغرباني .. وهموم كتيرة مشيلاني .. زي تور داير ف ساقية مدوراني .. على راسي ناف والغومة عمياني .. وف سكة ضلمة ممشياني .. وانتي اللي عرفاني .. ومعوداني أكون حساس أحب كل الناس .. واتحمل ظنونهم .. واداري جرحي لو منهم .. وارسم ضحكة ف عيونهم .. واداوي بحزني أوجاعهم .. عشان تحني وترضي عني .. وتمسحي بإيديكي دمعي .. وترحمي حيرتي وضعفي .. وتخلفي لو مرة ظني .. تعيشي فيا وتسكنيني .. وتبقي ليا نن عيني .. وتروقي حبة وترحميني .. وارتاح شوية من أنيني .. لو بس مرة تصدقيني .. تيجي وتشوفي حنيني .. هتلاقيني ع المودة والمحبة ف قلبي ديني .. هتلاقيني ع المودة والمحبة ف قلبي ديني .. ~~~~~~~~~~~~~ بقلمي .. معوض حلمي منشأة بطاش تمي الأمديد دقهلية

 ‏ عمر جميل ‏  عمر جميل القدرات المهدرة والحكمة الغائبة  هناك من المشكلات الحياتية ما يجعل الإنسان دائم الشعور بالنقص ومن أشد هذه المشكلات مناجاة زوج أو زوجة فى ظلمة الليل والعيون تمل ؤها الدموع وتسيل بغزارة على الخدين ، من زوج أو زوجة قد أهملها الطرف الأخر ،فأصبحت من جمادات البيت ،حتى إذا إحتاجها وحركته الغريزة والرغبة تقرب منها للحظات ،حتى إذا إنتهى منها وأشبع رغبته كأنه لا يعرفها ولا تعرفه ،ولم يراعى متطلباتها حتى ،وهنا تشعر بأنها لا قيمة لها كالأنعام بل هى أقل شأنا ،وربما تقرض أظافرالخيبة والقهر والندم ومع افقد أدميتها،وأيضا المشكلة الأخرى مشكلة تفاوت القدرات وعدم التكيف مع الطرف الأخر ،فكل زوج لا شك بيده ترتيب أوراقه وأوتار العزف بيده ،ومع شئ من التوازن يستطيع رسم طريق يدوم وإن تفاوتت القدرات فينعما معا بليال سعيدة الرومانسية والحب غطاؤها ،وأيضا مشكلة ثالثة وهى السؤال المحير هل الزواج بالبكر أولى أم الزواج بالثيب ؟ والإجابة فى قول النبى صل الله عليه وسلم فى الحديث (وفي رو...

الشاعر طه ابراهيم بكره هاتعمل إيه @@@@@@@@@ أه لو أسيب الدنيا وافوت وادخل دغري ف قلب الموت وأقعد أسمع من غير صوت والقي الدنيا الزحمه سكوت والقي الناس ع الارض كتير والقي الفاسد والهلفوت والقي الظالم جوه النار واقف زي الفار مسخوط يبكي ويصرخ من غير صوت مين هايهز الأرض ساعتها مين هايدور مين هايفوت مين اللي هايقدر يرفع صوته مين اللي هايقدر يعمل حوت قول لي يا ظالم إيه هايفيدك مهما كنزت ذهب ويا قوت بكره نسيب الدنيا ونمشي بكره المال والجاه هايفوت بكره صحيفة عملك تطلع فيها أدله وفيها ثبوت شوف الذنب اللي انت جانيته شوف كام تهمه وكام شلّوت لما قدرت علي الغلبان خد من إيدك كام نبوت قول لي هاتعمل إيه يا مدهول وانت هناك زي الكتكوت نفسي أشوف اللحظه ساعتها نفسي أتأمل ف الملكوت نفسي اشوف للظلم نهايه نفسي بجد الظلم يموت @@@@@@@@@@ بقلم // طه إبراهيم

الشاعر محمد العربى فضفضه  أطفش يا ناس مخنوق  وروحى طلعاته  لا الناس دى حسه بوجع  ولا حتى طيقانه  و غلبت اقول مش كده  والخلق تعبانه  ولا حد عبَرلى صوت  ولا حد قام جانا  يا موشوشين الودع  اللى اتوجعت اانا  وانا جاى اقول فضفضه  و النفس زهقانه  أسرق و اعيش بالحرام  و الناس تعيَبنى  و تقول حرامى و سرق  ولا حد هيسيبنى  وولادى بعد امَا اموت  هتشوف عذاب يااما  كلام يسم البدن  و مذلَه و اهانه  هيجينى على تربتى  ابنى و هيزورنى  هيقوللى عجبك كده  وللا هيعذرنى  يارب دانت القوى  سلَمت لك أمرى  بقلمى \ محمد العربى

محمد الحساني إحفظ العرض ونول يا إبنى رضا الوالدين طاعتهم فرض و وصّى بيها النبى والدين و اوعاك تعصيهم ويغضبوا عليك ف يوم تعيش ف هموم ويكون فى رقبتك دين - - - - - - - - - - - - - - - - - - - - محمد الحساني

‏‏ احمد السيد القاضى ‏ كلام علي الهادي ************** انا بكتب علي الهادي .............كلام مسموع وبينادي علي كل شبر في بلادي .........كلام ليه قيمه مش عادي وهو سلاحي وفية رمحي ..........وهو ضيئ معاه شمسي وهو قوتي مع قمحي ................بيعبر عني وملامحي يشق الليل يجيب صبحي ..................واغازل بيه انا بكره وبكره يغزل الفكرة ........والفكرة .تعشق حلم جديد جاية بتضحك من بعيد ...............وجايبة فرحة ويا العيد ونرجع تاني زي زمان .............ونزرع حب ف كل مكان ويشفي قلب عليل تعبان ............وتبقي الفرحة ف بلادي لينا عنوان ******* بقلمي /احمد السيد القاضي