كرامتك يا فلاح فين،،، بقلم الشاعر القدير يوسف الحمله
كرامتك يا فلاح فين كرامتك يا فلاح فين في سجن قلبه ضلمه والأكل فيه بالضرب والنوم في قلب عتمه والذل فيه والنهب وسجان ع الباب واقف ولو إتظلمت ينزل فيك ضرب وسب هو إنت ناقص يا فلاح ضرب وسب وسلب وعربدة سنين كرامتك يا فلاح فين في فاسك في عرق جبينك في ميتك وهي بتتباع عليك في نظام إتعمد يهينك ويبيع ويشتري بالرخيص فيك في زرعتك اللي أملك تسدد في يوم دينك ويوم ما تحصدها ما تسدد حتى ربع الدين كرامتك يا فلاح فين في قبر تسكنه مع الأموات وغيرك يسكن أفخم قصور تاكل وتشرب من سكات وحسك عينك تعدي السور لا تحلم ببكره ولا تحلم ببعده وكل همك تجهز بناتك منين كرامتك يا فلاح فين بقالك تلاتين سنه بتتهان وكنت ساكت ليه هو إنت يا فلاح جبان والجبن متربتش عليه كرامتك يا فلاح ...
