مجلة الكلمة أمانة

المنتج الجزار :؛؛؛؛ بدون مقدمات   إتشعبطت في ديل العجل لجل ما أكون جزار   واما وصلت دبحت العجل   ودخلت علي الدوار   وعجل يجر في عجل   لما بقيت أشهر جزار صيتي سمع جالي فنان   قالي عايز عجل ونص ضحكت وقلت ياااه بس   قالي بجد ومش هزار   عندي حفله كبيرة أوي وفيها شرب وضرب نار   قلت له العجل بتمنه   والنص مني لك هديه   لجل ما أحضر الحفلة ديا   قالي تشرف   رحت حضرت الحفله وشفت واحد غمز لواحدة راحت له قام في ثواني خدها وطار وواحدة سابت البأف بتاعها ونزلت لإبن غفير الدار   وواحدة طمعت في جوز بنتها   إكمنه لسه شاب صغار عجبتني اللعبة قلت ألعابها   لقيت شاب في إيدة كتاب سألته كتاب ايه ده قالي فيلم وعايز منتج   قلت له فيه بووس ولعب قمار قالي فيه وزي الامطار   قلت له شوف مخرج أنا المنتج جابلي ست وبدون نقاش   لبسه عشره سنتي قماش   قلت له مين دي الرقاصة   قالي دي المخرجة الخلاصه قلت له وإنت مؤلف خلاصه ...