مجلة الكلمة أمانة

ترويض مثقف ( للشاعر يوسف الحمله )  قول رأيك متخفش يا ابني وصدقني ما دام رأيك بيبني إحنا معاك وبيك هنبني قدمت في شقق الإسكان شوفنا إسمك متقولش لأ كلها عشر سنين يعدو فريره وتاخد الشقة شفت حد غيرنا كده عاملك برقة حد برألك ولا أففلك ولا حتى قالك هأاا إحنا مش عايزينك تهدم إحنا عايزينك تعلي وتبني عايز مجلة نعملك مجلة ونشغل فيها معاك قرايبنا بس خلي فيها دايماً صفحتين علشان حبايبنا فهمت يا ابني رد علىَّ يا زين آه والإعلانات إنت ( 1% ) وإحنا بقى تسعه وتسعين أظن كده عدانا العيب كفك بقى ياابني ولا تقولي أنا مظلوم ولا نسمعك تتكلم يوم عــن حاكم أو محكوم وسيب الناس في حالها اللي عاجبه يعيش عاجبه والـ مش عاجبه يشد فـ حواجبه كل واحد عاااارف واجبه قنوات فضائية عـاصمه إدارية بنعمل طــرق بــديـله سهرات جميله بنعمل مُـدن جديدة حيـاة سعيدة بنعمل وقولولي ياللا يا طـمـاعين مين اللي فينا ظاااااااالمين هو يا تاكلوا جاتوه وتناموا يا تحطوا على دماغنا الطين كل...