مجلة الكلمة أمانة

رداعلى مسرحية الشاعر/يوسف الحمله ***رايحه فين*** بعدما عميت عنينا جاى تقولى دمع عين مانت عارف ولااقولك ***رايحه فين*** عنينا راحت من بكاها ع اللى ضاع منهاضناها ولاصرخه راح صداها واللى مات مالاقى حقنه واللى جاع مالاقى لقمه واللى حتى باع له هدمه واللى كان رهن عياله لجل يبقى يسد دين *وجاى تقولى رايحه فين* ياما قولنا ارحمونا حسوابينا اسمعونا دى دوامه دايره بينا مين عاليها مين واطيها ناس بترمى خلق فيها وناس ماداريه باللى بيها ***رايحه فين*** مسرحيه مين ابطالها غيرجنودها المجهولين تتوزع الادوار عليهم خلف الستار م الكواليس الساده ياخدوا ثمرة ايرادها وغيرهم مايلقى حق قوته وان مرض يستنى موته وياريت كمان يبقوا عاجبين **عارف انت يبقوا مين** اللى عايش فى قصورها اللى بيتمرغ فى خيرها زى ناس ماتت ضميرها هماناس عاشوا ف حماها ياما قالوا هما حماها وف الشدة يتخلوا عنها والصغاريدافعوا عنهم وياريت يبقوا مشكورين طبعا عرفتوايبقوامين قولوا انتم رايحه فين *************** كلمات/محمدفارس ابوعمار عضو/نقابة شعراء مصر ...

أم العيال ٠٠ والمال ؟؟ ********** ليه عنى بتتمنعى ؟ هو انتى بإيدك تدى ؟ وبإيدك تمنعى ؟ لوكنتى فاكره الحب صدقة وكل واحد فينا من طبقة أنا مش هقبل إنى أتعامل وياكى من باب الشفقة ياإما تبعدى عنى خالص ياإما لحضنى ترجعى ولا يوم عنى تتمنعي ياحبيبتى ٠٠٠٠٠٠ الكبر والغرور بيقتلوا  السعاده إنسى عيشة القصور وإحساس السياده لا انتى ناقصك حاجه ولا محتاجه لحد وزهو الدنيا ده وهم ومابينى وبينه حد وأنا علشان بحبك هتحمل شيل الصخر ولوحتى مش هوفر كفايه إنك معايا سعيده طول العمر وتعالى شوفى الأغنيا إللى عايش مريض وإللى بيخون مراته وإللى عايش بقرون وإللى عاشق حماته وإللى خسر فى البورصه وموت أهل بيته وإللى ٠٠ وإللى ٠٠ وإللى يعنى السعاده مش بكتر المال السعاده براحه البال إقتنعتى ياأم العيال ؟؟؟ *********** أم العيال ٠٠ والمال 7/4/2015 17/1/2017  الشاعر // يوسف الحمله