انتي الحب بقلم الشاعر د/ عمر عبد الجواد

........... (( انتي الحب ))........د/عمرعبدالجواد
قابلتك مرة... وحبيتك من اول نظرة
حبيتك ليه ؟؟ ما تسأليش....
حبيت روحك وخفتك .حبيت رقة ضحكتك
ولعيونك انتي ..حبيت حياتي... وحبيت أعيش

حبيت البراءة اللى ف عنيكي
.حبيت الحنان اللي ف اديكي
حبيت ارضك و سماكي..حبيت شمسك وصفاكي
لا شميت هوا زي هواكي..ولا حسيت الحب إلا معاكي
وغير هواكي ما يكفنيش
قابلتك ولقيتك.. جمال و رقة و دين .
.و خفة واخلاقك زين.. ولا زيك في الدنيا اتنين..
والدنيا من غيرك ما تساويش
انتي الحب اللي انا حبيته..انتي العمر اللي استنيته
انتي النور اللي ف ليلي لقيته..انتي الأمل اللي اتمنيته
.و مالقيته...وحب بعدك ماليش
الأيام بعدتنا ..و انكتبت علينا وحدتنا
و غصب عنا ...الظروف كانت اقوي منا ..
و عاندتنا و ما ساعدتنا... وهان عليها فرقتنا
وقلبي معاكي ما فاركيش..
نتقابل تاني ولا لأ ..مايهمنيش...
بكفاية اني على ذكراكي بعيش
خيالك عمرة ما فارقني...وصورتك ديما ف ذهني
حبيت الحب ف عيونك..حبيت القرب ف شجونك
.و ضحكتك ابدا ما تتنسيش....
بعدك بقيت في الحب زاهد...
منا حبي ليكي حب خالد
في السما عايش و في الارض زيه ما فيش..
سرقتي النوم من عيني ...وحتي ف أحلامي بتجيني
في بعادك مين يواسيني ...لأنيني و أشواقي وحنيني
ف قربك الدنيا جنة ...و بعادك ما غيرنيش
و بحس انك قريبة مني و غيرك ما يشغلنيش
قوليلي يا نور عيني فين الاقيكي
و للحظة حب واحدة بين اديكي
انا ... بتمني أعيش... .
د/عمرعبدالجواد