جهل ودجل بقلم الشاعر / نادر مغلوب
جهل ودجل
زمان كان علمنا تركه عن العقول بنورثها
دلوقت بجهلنا شركه وبالوهم تكبر بتأسيسها
.....
المجتمع صبح شارد
والجهل فى البلاد مارد
وبقا كل شئ وارد
لو حتى شوفت الغنم الديب بيحرصها
......
دجال وعامل بطل فى الطب بقا عالم
دكتور لكل البشر نفسانى ومسالم
من جهلى خد فرصته ووكلته وأنا الظالم
بذكائه شاف علتى وبخر على أساسها
.....
تمتم ولملم شمر تشخيسا تنخيسا
وقال ف ضوء القمر طلسم بترصيصه
نده لجنه حضر عزم وبقت هيصه
إيحائه فينا إنتصر وإيده بنبوسها
وإحنا فينا العبر وأسيادنا بتدرسها
.....
دجال مالوش فى السحر بكلامه بقا ساحر
ودجال بيحكم نسر وبقوته قادر
ودجل تشوفه وش وللعقول حاكر
والجهل فينا عش والفكره بنحبسها
ونسينا رب الكون الدنيا أسسها
.....
فيها إنس وجن والكل بيعيشها
مرضاش علينا الظلم وإحنا بنفرشها
جهل بدل العلم وعقولنا بننقصها
....
بقت حياتنا جنان بإيدينا نوكسها
إنس يخاف من جان وراسه نكسها
وبشر بداخله شيطان عمره ما ينصفها
....
جهل ودجل عنوان
أرضنا وناسها
بقلم
الشاعر نادر المغلوب
تعليقات
إرسال تعليق