اصبر هانت /بقلم الشاعر/أحمدالسيد القاضى

 اصـــــــبرهــانت

اصبر....هانت اوعى تزنجر** بكره.......الدنيا هتبقى تمام

مخلاص بانت اوعاك تضجر** دى.حقيقه ودى مش اوهام

اصمد....واثبت بكره هتؤجر** وهتبقى........حسن الختام

خلى..صوتك سيف او خنجر** وارسم.......واكتب بالاقلام

ان........غضبنا راح يتفجر** ويحطم...........كل الاصنام

مهما.... الحمل علينا هيكبر** هنشيلوا.......ونزرع احلام

بالتاكيد .....كده بكره هنعبر** فاتت........منها سنين ظلام

اضحك....... كركر هو يدبر** وكبيرها...... شهور او ايام

اياك....تبكى فى يوم وتشبر** وتنوح ......مش وقت فطام

خليك. كده واد كينج وسوبر** واقرا...........لقادة الاسلام

اياك........ تياس ولا تتعكر** ولا.. تضرب بودره وبرشام

اوعاك تشرب يوم ولا تسكر** البيره..... فى الشرع حرام

فوق..........نفسك يلا نفكر** ومتقوليش.على الدنيا سلام

اعمل... خير وبلاش المنكر** لتوه..........فى يوم الزحام

شغل.... مخك واوعى تهكر** وبلاش......كده شغل الافلام

خلى.......طبعك حلو وسكر** هتعيش... فى سعاده و وئام

بينا...ياغالى نصلى ونشكر** ونقيم.........الليل ويا صيام

ايدى... فى ايدك بينا نسطر** ونعيد...........امجاد الاسلام