...(للحب حدود)...للشاعر...( نبيل الوردانى )
(للحب حدود)
ما تفكرنيش
ما خلاص
أنا فاض بيه وهجيت
قافله الترباس
انا سيبت البيت
وف عينى عماص
ماشى وع الحيط
وف حيص وف بيص
وكأنى عبيط
دا مفيش إخلاص
ف الدنيا ياناس
غير ف الأحلام
ما تعبرنيش
وانا تحت النيش
و تقوللى مفيش
خد م البلاص
وما تخدعنيش
تدينى وعود
وتقوللى ح عود
أنا جى ف الباص
بقى مش مكسوف
تكدب ياخروف
وتقولى ح شوف
أنا ليه حساس
مكسوف م ناس
إدارى ف خبتك
أو وقر شيبتك
لا تلاقى مصيبتك
تتشال ع راس
إياك تتهاون
ولا حتى فحقك
ح تعرض نفسك
لمهانه تذلك
تصبح بلاص
والكل يعايرك
متشيل على قدك
لازم تتنطط
وكمان تتحفلط
وف لحظه بتزعل
تعمل قماص
( نبيل الوردانى )
شاعر
تعليقات
إرسال تعليق