(( المشقة والخطـــــــــــر ))..للشاعر المبدع...الشاعر رأفت خلف خلف
(( المشقة والخطـــــــــــر ))
أنا قلت ممكن الحصان
يشيل أسد على بردعه
أو تمساح يربى قـــرد
ومن غير مايفكر يبلعه
كنت فاكرك زى حــــوا
شىء م. التفاهه بنسمعه
.. شىء غريب لماالثقافة
والجمال فيكى يتجمعوا
والعيون اللى قادره تدبح
من رقتها بيد معــــــــوا
فضه بتجرى من نجمتين
فى غصون القلب يفرعوا
رموشها ناعمه ريش سهام
وليهم طرف بيصرعوا
أستخبى منهم فى الحواجب
عشان خطرهم متوقعه
يفضح بياضك الظــــــــــلام
من غير ماشمع يلعلعــــه
ابر نحل حرس خــــــــدودك
بيشفوا لما بيلسعـــــــــوا
والورد بيسكن ف.حقد شوك
وعشان جماله بنزرعــــه
والجهل يشوف التبر تـــــراب
والعود حطب ويولعــــــه
تعليقات
إرسال تعليق