خراب البيوت ... بقلم الشاعر الكبير شريف بدوي
خراب البيوت
بقلم : شريف بدوي
كل الببان اتقفلت ساعة العمي
معدش فيه ولا حتة صغيرة
سيبوا الببان متوربة
سيبوا حتة صغيرة
سديتوا ليه كل الببان
حطمتوا ليه كل الآمال
شديتوا ليه حبل الآمان
خلوا القلوب تقدر تشوف
خلوا الحياة ينفع تعود
القلب من كتر النار اتعمي
وعمنا عم الشيطان
قاعد قايدها صهلله
وناس تانية تدفع التمن
والرجعة بتكون ملهاش تمن
ولا فيه فلوس تقدر ترجع الزمن
سيبوا حتة صغيرة يمكن نعود
نفتح ببان نسكن مكان
كان لينا فيه ذكرى طيبة
القسوة جايز ليها دور
لكن اوعي تعمل فيها تور
كل شيء إن زان بيعدل الميزان
حتي البيوت من غير ميزان
ما تقدر تبني فيها دور
وكل واحد فينا عايش فيها دور
في يوم راح ينقضي كل العمي
علشان كدة نرجع نقول
إغضب .. لكن خلي ليها دور
ضلم .. لكن خلي فيها نور
سيبوا الببان متوربة
سيبوا حتة صغيرة
ده فيه عيال صغيرة ..
تعليقات
إرسال تعليق