...ليلة رأس السنة بقلم .الشاعرة..اميرة مجدي



ليلة رأس السنة 
بقلم اميرة مجدي

احنا الليلة لمة وعيلة
احنا الليلة اسعد ناس‎ 
احنا الليلة صحبة جميلة
واتجمعنا علي الاخلاص ‏
جينا نودع سنة هتسيبنا ‏
فيها ضحكنا وفيها لعبنا ‏
وفيها بكينا وفيها حزنا ‏
وفيها الذكري اللي تفكرنا ‏
بالاصحاب والاحباب
اللي نتمني يكونوا ما بيننا
ويشاركونا فرح قلوبنا ‏
ونكمل بيهم سعادتنا ‏
باستعدادنا واستقبالنا 
لسنة جديدة جاية تزورنا
سنة جديدة غير معروفة 
كل ما فيها في علم الغيب 
وبنتمني تكون مألوفة 
يفرح بيها كل حبيب 
وبنتمني الخير يملاها 
ويبعد عنها الشر بعيد 
وبنتمني يكون الحب 
فيها صادق مش تقليد 
وبنتمني وبنتمني 
واللي يريده الله هيكون 
يمكن نتعب أو نتهني 
يمكن فيها الحزن يزول 
ويا عالم ايه اللي هيحصل 
لكن برضه ارجع أقول 
يارب تحقق احلامنا 
ولا تحرمش الناس وتنول 
وتقرب سكة افراحنا 
وتخلينا احباب علي طول 
وتصبرنا وتقوينا 
علي أعداء الخير في الدنيا 
ودايما ايدك فوق ايادينا 
بتقوينا وبتنصرنا
وارجع تاني وأقول ان احنا ‏
احنا الليلة لمة وعيلة
احنا الليلة اسعد ناس ‏
احنا الليلة صحبة جميلة ‏
واتجمعنا علي الاخلاص‎ 
‏‎ ‎


تعليقات

المشاركات الشائعة من هذه المدونة

مَن أشعل اللهب؟ (للشاعر يوسف الحمله) من بحر الوافر

يَا وَاحَةَ الشِّعْرِ(للشاعر يوسف الحمله) من بحر البسيط

لَقْمَتِي تُبْكِي الغِيَابَا(للشاعر: يوسف الحمله) من بحر الوافر