..في ناس حياتها طرف..الشاعر محمد سالم
في ناس حياتها طرف
فرحانه مطرح ما تروح
وانا عيشتي فيكي قرف
عايش جسد بلا روح
عايش فيكي علي امل
بس الامل طول
قوليلي ايه العمل
شعبك بيتسول
واديكي يا بلدي شيفانا
رغم جوعنا بنعليكي ونرفع
لكن حرام جوع واهانه
خبطين في الراس توجع
لامتي هعيش فيكي شقاء
ليه اسقيكي شهد تسقيني مر
بدلي حرف الميم بالحاء
جوعيني بس عيشيني حر
لو خيروني بينك وبين العالم كله
والله هتلاقيني اخترتك
والعمر عايش فيكي وراضي بزلو
لكن بحبك وعمر ما كرهتك
بس امتي الحريه حرام العمر
يا جميله يا بهيه يا ام الشباب السمر
انا اللي حامي حماكي وروحي فداكي
وتناديني تلاقيني اقول تحت الامر
انا نيلك وبشكيلك فحسي بعذابه
انا الزارع وانا الصانع وانا كل احبابك
من حب ربنا فيكي ذكرك في كتابه
ومن جمالك شكيت ربنا خلقنا من ترابك
يارض جميع الاديان
امتي كان في فرق بين مسيحي ومسلم
جرس الكنيسه جمب الاذان
وكلنا ولادك وكلنا فيكي بنحلم
ليه كلمه حب بينا قسمتوها بحرف الراء
ليه خلتوها حرب وكل يوم غلاء
المسلم والمسيحي كبرو مع بعض
هزمو اسرائيل ورجعولك الارض
مسلم ومسيحي جابولك النصر
حرام اللي فيكي والله يا مصر
قلم . محمد سالم
تعليقات
إرسال تعليق