مجلة الكلمة أمانة

يوم ميلادك ( للشاعر يوسف الحمله ) ( مقصودة )  يـوم ميلادك إحنا اتوجعنا إحنا إندبحنا إحنا إنخدعنا إحنا خدنا خااااازوق كبيير وصدمـه ليها ولا ألف معنى يـوم مـيـلادك يـوم النكسة يــوم الخيبه يــوم الواكسه يـوم الـفـرقه يــوم الشماته يـوم نصبايه وكانت عكسه يـوم مـيـلادك خــزي وعــار شيطان ضـرب الأمـل بالنار وكـدبه صبحت مليون تـار كدبه من أستاذ فشاااااااار حـرام أعيش يــوم ميلادك مـن حــيـاتـي أنـا هشـطـبـه يا خـايــن كل شباب بلادك يا حـارق كـل إللـي بـنـكتبه إنت زيك ومنك كتيييييير يـروح زعيم ويـجـي زعيم ويلاقي وراه كاااااام بهيم لعبه وإنـكشـفـت على الملأ وبـرضـو هـو نـفس الـغـيـم إللـي جـــوا الـعـــيـن مـــرق يوم ميلادك ... ( ملحوظة هامة هذه القصيدة ليست سياسية ولكنها عن شيء في نفسي )  بقلم شاعر الحدث الشاعر يوسف الحمله 9/9/2017

المرأة الريفية الجزء السادس ( للشاعر يوسف الحمله )  ( وعن الكرامة أتحدث بلسان المرأة )  كسر لي سنه ... طـول عمري فـ طيبه مفرطة وعمري مـا كنت يوم معفرته والشر ده كـان تحت مداسي إتـجــوزت بشـوره مــن أهـلي مــن قبـل الحـب مـا ينـدهـلي وانـا والطـيـبه شيء أسـاسي عشت لي فـي النعيـم شهرين وفـاجـأة يـجـي غــراب البين ويتـرك أثـره عـلـى الكــراسي عـلـم جـوزي حـاجـات مريعه حـاجـات مخـالفة لأي شريعه رفضت ورفضي كان أساسي غـزانـا الغـرب بـدون رصاصه زرع فـي نـفـوسنـا الـطـفـاسه وشال حاجات كانـت رواسي خرجـت حياتي مـن المراسي كسر لي سنـه أبـو قلـب أسي بـوظ لي شكـلـي قـدام ناسي وكل مـا أركـب لها طـربــوش يــقـع في الأكـل وملـقـهـوش يـقـع ويـقــع مـعـاه إحساسي  وأمشي ودارى بوقي بـإيـدي والـدم بـيـغـلي فـي وريـــدي والشيطان بيلـعب فـي راسي إزااااااي ويـبـقى أبـو عـيـالي ويـحـطــم جـوايـا كـل أمـالي ويـزيد فـ حيرتي واحتراسي حـرمني حتى مـن إبتـسامتي جــرد انـوثتي جــرد كرامتـي وده أخـرة طيبتي وإخلاصي...

عـمـلاق الدراما ( للشاعر يوسف الحمله ) عن الكاتب الراحل محفوظ عبدالرحمن  ورحـل عـمـلاق الـدراما .... وساب بقلـوبنا عـلامـه .....  مــن بـوابـة الحـلـواني .....  وتــاريــخ بــدون تـــزويـر ونـاصـر سـتـه وخـمسـيـن والعدوان الثلاثي الخطير والبـطـل سليـمـان الحلبي ومـقـتـل كـلـيـبـر الـمـثـيـر والـ مظفر  مـحـمـد الفاتح صـــاحــب أنـقـى ضـمــيـر ومعركة القادسية ولهيبها ونـصـر المسلـمـيـن الكبير ولـيـلـة سـقـوط غـرنـاطـة وصــراع الـشـر والـخــيـر وحــكـايـات الـزيـر سـالـم وحـرب البسوس الـمـريـر وتـاريـخ سومـه وحـلـيـم والفن اللي كـان بـضـمـيـر الله يـرحـمـك يا محفوظ يـالـي نـاديـت بـالـتـغـيـير الله يـرحـمـك يا محفوظ يـا مـلك مـلـوك الـتـعـبـير  عـمـلاق الدراما عن الكاتب الراحل محفوظ عبدالرحمن بقلم شاعر الحدث الشاعر يوسف الحمله 22/8/2017

قـتـل زرعـة الأرز  صرخه إلى رئيس الدوله ( من الشاعر يوسف الحمله )  >>>>>><<<<<<< إزاي كيلو الأرز بـعـشـره جـنـيه وعندك يا فلاح بـ تـلاتـه جنـيـه وخمسين قـرش يا عالم كفاية غش كفاية نـهش كفاية هبش وحشو في الكرش يا غـرفـة التجارة كفاية هبش يا وزارة التجارة كفاية نهش يا شعبة الأرز كفاية هبش يا حيتان الأرز كفاية نـهش بكلمة منكم  يفتح التصدير  وبكلمة منكم  يتقفل التصدير  والـفـلاح الفقير  ما ينوبه من الأرز  غـيـر الـقـش  بالله عليكم قـادريـن تمشو بالكرش يوم القيامة هتقولو ايه لـرب الـعـــرش شوفوا وشكم في الـمـرايـا مـــن النهش والنشل والنهب واللطش ضميركم مرتاح والله لا وانتي يا وزارة الـزراعة يا مليانه بالفساااااااد يا مضيعه حق العباد يا بايعه مية المجاري ومولعه في سعر السماد كفاية سمساره فـ الأراضي ومصمصه في ثـروة البلاد يا نـازله فـ الـفـلاح حش يا وحش بمليون وحش ( يا رئيس الدوله )  إسمعنا ....  إلحقنا ...

هريدى وأمه ..  والسكه الحديد ..  هريدى .... هو أنـا لسه صغار  متخافيش يامـاي مـتـقـلـقـيش علىَّ هو أنا مسافر بره دانا رايح إسكندرية الأم ....  بتقول ايه يا كبدي لو مخفتش عليك امال أخاف على مين دانـت بُـعـدك عني واللهِ على نــن العين هريدى ....  أبويا مات يا ماي وأنا راجـل البيت واخـواتـي البنات عـلـى وش جــواز وانتي عارفه الجهاز أنا إستخرت الله وصليت الأم ....  خلاص يا نـضـري قولي هتركب ايه إوعي تقولي القطر عزرائيل ساكن فيه هريدى ....  أبـاي عـلـيـكي يا ماي عزرائيل في كل مكان هو احنا هنهرب منيه الراوي ....  وسافر هريدى بالقطر ومـرجـعش يا ولـداه وانـكـسر ضــهـر أمـه واغـمـقــت الـحــيـاة حظك كده ياهريدي يـجـي عـلـيـك العيد تلبس تـوب الشهادة بـإيد السكه الحـديد وأمـك تعَيد وحيده واخواتك تـمد الايد أصلك عايش في بلد الـظـلم فـيـهـا عـنـيـد لا راضي مره يسيبها ولا يـرحـم الـعـبـيـد !  هريدى وأمه ..  والسكه الحديد .. بقلم شاعر الحدث...

كلب 🐕 بلدي ( للشاعر يوسف الحمله )  وأنا مـاشى مهموم في يوم مشؤووم جنب سور المدينة  شفت كلب .... بلدي من الألم ........ بيئن سألته ملك ليه بتئن قالي إبـعـد عني يا جن قلت له أنا إنسان .... مش جان قالي لو كنتوا فعلاً بنى أدمين مكنتوش فرقتوا بين الكلاب .... وبـعـضها !!!  ولا جبتو كلاب مــن ألمانيا وسبتو كلاب مصر وأرضها إنـتـوا بتسرقـوا مــن بعض وإحنـا أولى بأمـوال شعبها الكلـب يـجي بـ 50 ألف جـ وياكل لحمه يوماتي والغلابه بتاكل مــن الزباله بالظبط زي حـالاتي ولا أحنا عشان ملناش كلاب تسأل علينا آه م اللي بـيـحصل منكم والله إحنا منكم إستوينا طبطبـت عـلـيـه وحميته وجبت مقص وقصقصته وبنطلـوني كمان قـصيته وربطة فـي سلسلة شيك ومشيـت بــيـه ومشيـتـه الكلب زاغ فـ عيـون الناس لما إتلمع وإتحفلط وإتقمع قابلني واحـد مــن الذوات وقالي  جبت منين الكلب ده ؟؟  أول مــره أشوف كلـب حـلـو كـده هههه ضحكت وقلت له مـن ألمانيا قالي بكام...

ضع الأقفال والجنازير ( للشاعر يوسف الحمله )  ضـع الأقـفـال والجـنـازير ......... واقنص الثائرين يا خِنزير ونـم مـطـمـئـن فـالـعـرب ......... لا تـعـبـأ بمسجـدٍ أو بِـدير ولـولا الأقـصـى بـالـقــرآن ....... ماْ انتفض ولو طفلُ صغير فـكـم مـن مساجد هدمت ........ ونـحـن لا شهيـقٌ ولا زفير قـم وأشهر عـصـاك سترى ........ قطـعانـاً تـفـر كـمـا الحمير فـلـن تـتـفـق العرب عليك ......... فـ العرب فـي صراعٍ كبير فـ نار  الـفـتـنـةِ قــد أتـت ......... أُكُـلـهـا فخلفت دمارُ كثير ضـع الأقـفـال والـجنـازير ......... وتلذذ بـصيد الـعـصـافيـر وأكتب بدماها أن الأقصى ........ بالصمت العربيَّ عاد أسير ولو رأيت مـنـا إستـنـكاراً ........ فـ أعـلـم أن الأمـــرَ يـسيـر فـ هـذا أقـصـى مـا نـمـلك ........ نعيٌّ وشجبٌّ..نهيقٌ ونعير ضع الأقفال والجنازير  بقلم شاعر الحدث  الشاعر يوسف الحمله 30/7/2017

تريليون طز في إسرائيل ( للشاعر يوسف الحمله )  ظـز فـي الـعـالم الحثالة طز في الناس الأنجاس طز فـي مـنـبـع السفـالة واللي ساعـد م الأساس تريليون ظز في إسرائيل واللي يـزعــل طــز فـيـه لا وحـــلال الشـنـق لييه ولـيه نـهـتـم حـتـى بـيـه جنس خاين عايش عاله واحـنـا معانـا عليه دليل وفـ الكتاب مليون مقاله اللـي بـكـى على السفـاح واللـي هـنـا فـي الأفـراح واللي غايب في الأتـراح وبـألـف وش وألف حـاله يعني طـز فـي كل عميل فين الوحدة ياعرب فين ده الأقـصى تملي حـزين يالي فـ البترول عايشين يالي نـاكـريـن كـل جِميـل إنـتـوا ايه مش شايـفـيـن مش فاهمين مش عارفين مـن كتـر الفلوس سكرنين ونهار "لترامب" ومعانا ليل يالي عايشين فـي الـبـلالا وعلينا بس عملين فاهمين  تريليون ظز في إسرائيل  بقلم شاعر الحدث  الشاعر يوسف الحمله 22/7/2017

عن الشاب الذي قتله والده وهو يدافع عن أمه في محافظة أسيوط  الأب القاتل .... والابن المقتول .... ( للشاعر يوسف الحمله )  يا بـوي ليه قـلـبـك حـجر لـيـه تسب أمـي وتـهينها فـ الشارع وقــدام البشر دي ياااما إتحملت مِنيك وهي لا شكوى ولا ضجر وأمـا أجي أدافـع عَـنيهـا يسيل دمي على يــديك لـيـه تحـكـم علىَّ بـالسفر دانــا كـنـت السنــد لـيـك واليد الـ كـانـت بتحميك وقبل ما كنت تقول الآه كنت قوام أقـولها عَنـيك لا شفـت يـوم حنيتك ولا يـوم حسيت بيك وإنـك شايـلـني فـ عِنيك وبـرغــم ده كـله يـا بـوي كـنـت ومـازلـت بــحـبـك وبموت قوي قوي فـيـك لكن الـ محسبتوش يابوي إنـي أمـوت عـلـى يـديك ويبقى دمـي فـي رقبتك ويبقى تار مطلوب مِنيك والناس تفضل تعاير فيك يا سبب وجودي فـ الدنيا وسبب فـراقـي مـن الدنيا روح يا بوي الله يهديك ..  روح يا بوي الله يهديك ..  ــــــ ــــــ ــــــ ــــــ ــــــ ــــــ  الأب القاتل .... والابن المقتول ....  بقلم شاع...

معارضه لرائعة الشاعر القدير أحمد فؤاد نجم             ( اللي خانوا العهد بينا )  اللي خانوا العهد بينا .. و استباحوا كل حاجة و استهانوا بالعروبة .. و استكانـوا للخـواجة مستحيل حيكونوا منا .. احنا حاجة و هما حاجة هما باعوا الجلابية .. و الوطن و البندقية واحنا أصحاب القضية .. إحنا ما بنبيعش مصر              يا عرب يا عرب يا أهل مصر          بقلم الشاعر القدير أحمد فؤاد نجم         ــــــــــــــــــــــــــــــــــــــــــــــــــــــــــــــــــــــ  اللي خـانـوا العـهد بينا ( للشاعر يوسف الحمله )  اللـي خـانـوا الـعـهـد بينا اللي بـاعـوا كل حاجة ..  اللي عاشو سنين مابينا اللي عملونـا بسذاجة ..  اللي دمـــروا حيـاتنـا ...  اللي شــــردو ولادنــا ...  اللي خــربــوا بـلادنـا ...  مستحـيـل يكـونـوا منا هما حاجة واحنا حاجة  اللي خـانـوا الـعـهـد بـينا  اللي اس...

ترويض مثقف ( للشاعر يوسف الحمله )  قول رأيك متخفش يا ابني وصدقني ما دام رأيك بيبني إحنا معاك وبيك هنبني قدمت في شقق الإسكان شوفنا إسمك متقولش لأ كلها عشر سنين يعدو فريره وتاخد الشقة شفت حد غيرنا كده عاملك برقة حد برألك ولا أففلك ولا حتى قالك هأاا إحنا مش عايزينك تهدم إحنا عايزينك تعلي وتبني عايز مجلة نعملك مجلة ونشغل فيها معاك قرايبنا بس خلي فيها دايماً صفحتين علشان حبايبنا فهمت يا ابني رد علىَّ يا زين آه والإعلانات إنت ( 1% ) وإحنا بقى تسعه وتسعين أظن كده عدانا العيب كفك بقى ياابني ولا تقولي أنا مظلوم ولا نسمعك تتكلم يوم عــن حاكم أو محكوم وسيب الناس في حالها اللي عاجبه يعيش عاجبه والـ مش عاجبه يشد فـ حواجبه كل واحد عاااارف واجبه قنوات فضائية عـاصمه إدارية بنعمل طــرق بــديـله سهرات جميله بنعمل مُـدن جديدة حيـاة سعيدة بنعمل وقولولي ياللا يا طـمـاعين مين اللي فينا ظاااااااالمين هو يا تاكلوا جاتوه وتناموا يا تحطوا على دماغنا الطين كل...

معارضة غنائية لرائعة (عواد) للعملاق مرسي جميل عزيز عواد ( للشاعر يوسف الحمله ) يــا أرضــــنـا يـا جـنـه مـفـروشة ورد وحـنـه عـواد بـقـى مش مـنـا عــواد مــا عـاد عــواد مـلـكـاش مــــكـان بينا يـالـي هــــدمـت آمالنا إرحـــــــل بـقــى عـــنـا يـا مـسـخـــرة الـبـــلاد يـالي هـــديـت حـيـلنا وعـرفت إزاي تـسحِلنا وجــبـت الـعـار لجيـلنا علشان تـرضى الأسياد يـا أرضـــنـا يــا جــــنـه مـفـروشـة ورد وحــنـه يــحـــرم عـلـى بستـانـا عـــــواد وعـيـن عـــواد كـرهتـنا في السعودية والأرض مش سعودية الأرض دي مــصــــريـة ورثــنـهـا م الأجــــــداد طب كنـت شور أهـلك ولا أحــنـا مـش أهــلك الـيـوم خلاص هاتهلك يـا هــــــادم الأمـجــــاد يـا أرضـــنـا يــا جــــنـه مـفـروشـة ورد وحــنـه خـلـي الـغـراب يستـنى يـاخـــد مــعـاه عـــــواد إحــنـا عـايـشيـن فـيـهـا ومـتـبـتـيـن أوي فـيـهـا وان شالله نمـوت عليها مــا نــسيـبـهـا للأوغـــاد ده الـعـــــمـر كـله لـ...