مجلة الكلمة أمانة

المرأة الريفية الجزء الثامن ( للشاعر يوسف الحمله ) ( عن الكرامة أتحدث بلسان المرأة ) شلة الكوبري ...  يا مضيع مـالـي ع السجـاير وماشي طـريق كله خسـاير ويومـاتي قاعـد ع الكوبري يـا راجــل هــز طـولك قـوم ده انت خـايف على الهدوم أكتر من خوفك على عمري البيت مفهوش عـبــار دقيق ولا حـتى لقمه تــبـل الـريـق واللحمه مخصمانا من بدري أكـل العـيش مفهوش تَـعَالِي أكل العـيش عــزيــز  وغـالي خود فاسك ع الأرض دغري أرضنـا فـي إنتــظـار فـاسـك لـو تـراعيها هـتــرفـع راسـك عتاب أبـوك طالع مـن ضفري يا راجـل قوم كفاية محايله كـتـر النوم ما يعـدل المايله الناس من حـوالـيـنـا بتجري الناس .. صبحت فـي سباق وخـلـقي مـــن الحاجة ضاق وأنـا بنت عـــز مــن صـغـري أدى التقاوي وأدى التكاليـف وأدى الشاي على كام رغيف وسـيـبـك مـــن شلة الكوبري وكـل يـــوم فـ آخـــر الـنــهـار تيجي ومـعـاك الـخـيـر للـدار وتـمـنـه هـتخـدو مـن عـمـري ونلتقي في الجزء التاسع إن شاء الله تعالى شلة الكوبري ...  بقلم شاعر الحدث ...

فين حق الشهيد يا كبير ( للشاعر يوسف الحمله )  »»»»» «««««« قولي يا كبير البلد أولادنـا مـاتوا إزاي قولي يا كبير البلد طمني ع اللي جاي طياراتنا شغاله ولو شغاله كانت فين ؟!  ده طيارنا رجاله ويشهد عليهم تلاتة وسبعين والشـعــب فاكر والله ومش نساي طـلـبـت تفويض لمحاربة الإرهاب خرجنا بالملايين وقـلنا فـوضنـاك وواقفين في ضـهـرك ودايماً ماشيين وراك ولا سألناك وخدنا لفين لكـن مـن حـقـنـا نـسـأل لما أولادنا يرجعوا متكفنين طياراتنا وطيارنا كانوا فين؟  مش دي الإيـديـن اللي رجعت سينا مش دي الـعـنـيـن اللي بـتنور ليالينا مش دي الـقـلـوب اللي كلنـا بنبضها عايشين بقالنا سنين  إيديهم أمر يا كبيرنا وحق الشهيد هيرجـع يـدوب فـي دقيقتين  مستني ايه قولي؟  تعبنا مـن كتر التوابيت يـا تـرجـع حــق الشهيد ياتسيبها وتقول جديت أمــا إحــنـا مـجــدنـاش والله العظيم مجدناش ومصر باقية ليوم الدين وحق الشهيد والللللللله م...

هذه القصيدة مهداه لأبطال وشهداء الجيش المصري في حادث الوحات الإرهابي الأخير والذي تجاهله الإعلام المصري الفاااااشل ---------------------------------------------------------- علمونا في الحربية ( للشاعر يوسف الحمله ) ------------------------------ علمونا في الحربية مـعـنى الشجاعة علمونا حب النضال علمونا في الحربية عـشـق الـيـراعة علمونا نكـون أبطال علمونا وقـت القتال إزاي نــعــدي القـنال إزاي نـواجـه الـعـدو إزاي نتحدى المُحال علمونا نحترم القيادة علمونا إن الـخـاااايـن مـقـامه تحـت البيادة والأمين بالعين ينشال علمونا في الحربية »»»»»» ««««««« علمونا في الحربية إن حـب البلد أمانه وإن الرجوع للخلف يـبـقـى أكـبر خيانه علمونا حــب الـعَلـم والروح لفداه عطشانه علمونـا إزاي قـلـوبـنـا ترفض الموته الجبانه علمونا في الحربية »»»»»» ««««««« علمونا في الحربية حـب الجار ولو إستجار نكون له أقرب م الوريد أقـرب مـن ضـوء النهـار علمونا إن سـيـف الحـق أ...

إبـن نـزوة  ( للشاعر يوسف الحمله ) في شرم الشيخ >>>>><<<<<< إنت مصري ؟؟ لو مش قادر ترد سيبها وارحل واللهِ لا هـنمسك فـيـك ولا حتى عليك هنسأل ولو قادر ترد إزاي م اللي عملته قدام الناس ما تخجل؟؟!!  فين النخوة والمروءة؟؟!! رد يا أهبل شفت مـيـن فـي بـيـتـك بيعمل كده ؟؟؟  شفت أمك مع صاحبتها ولا أبـوك مـع أصـحـابـه  ولا أختك مــع زميلاتها  ايه الـ شوفته ياحِيلتها قولي يا دلوعِيتها شفت ايـه فـي بيتك؟؟  شفت حـد مره صلى !!  شفت حد راح مسجد؟  شفت حد راح كنيسة؟  حـد صلى على محمد؟  حد صلى على عيسى؟  حد قـالك قـوم إتوضا؟  إتطهر إتعلم إزاي تفكر؟  ولا مخك صدا صديد وملقتش غـيـر التقليد تـعـلق برقبتك سلسلة وتــحـط بـبـوقـك لبانه وتسقط البنطلون وفـ الشارع تمشي تصفر مفيش مصري يعمل كده واللي يعمل كده ويعيد قوم لوط والتاريخ  يبقى إبـن نــزوه  في شر...

المرأة الريفية الجزء السابع ( للشاعر يوسف الحمله ) ( وعن الكرامة أتحدث بلسان المرأة )  الإيد الناعمه ...  تـعرفي غلطة  عمري .. يا نعمه لما أمـــنـت لأبــو إيـــد .. ناعمه وسبـت أبـو إيـد .. الشـق فيها بالع تراااااااااب عشر فـداديـن أنـاكنت شايفه لكن .. بستعمى وان كـان الحـب نعمه  يا نعمه بيشد الحيل ...  ويـقوي الهمه بالرجوله يعيش سنين وسنين الـحـب مش بـالإيـد ... الناعمه ولا بـلـسـان يـعــرف ... يـقـول الـحـب باللي يصون ...  النعمه وفـ عرق جبينه كلام  معسول ياما الـفـاس كتبت ...  دواوين فتحت بيوت .. نحتت ميادين وأنا من صغري ... بضيع عمري وأجـرى ورا الناس ... التافهين بس انـا فوقت خلاص يا نعمه وعـرفـت إن الــواد ... عوضين لسه غـاويني ..  ولسه شاريني وأنـا شرياه ...  بالروح والعيـن والـحـمـد لله أديني ... فـوقت قبل الفاس ماتقع .. في الراس وعمرى يضيع كده  فـ الرجلين خـوديها مني نصيحه  يـا نعمه سـيـبـك مــن الأيــادي...

الله يلعن بـوذا ... ( للشاعر يوسف الحمله )  اللللللللللله ...  يلعن بـوذا ...  وعبدة بـوذا والـ سانـدهـم في طغيـانهم عالم وسخه ..  نسل يـهوذا وكلاب ضالة مكانها الشارع عايشه مابين الناس منبوذا دول سايبين الـظـالـم يظلم دول سايبين الـشـر يــعــدي وامـا الـحـق يـحـاول يلـضم كـلـمـة بـكـلـمـة يلقى تـحدي ويلقى وشوش ملهاش عازا يا حـكامنـا أمتي تـفـوقـو؟؟ لـغـة النعي ... تـشـل الـوعـي كـالأعـمـى .. إلـ ضاع عكـازه والـصـدمـه ... إننا في الآخر نيجي نتقدم .. نيجي نتاخر ونــداره فـي عـــبـايـة مــاذا وكـإنـنـا ... مــن عــالـم تـانـي لا فيه مجني عليه ولا جاني وإحنا وصلين لحلـق الإزازه وبوذا وبورما هـنـاك دندرمه ضبـعو فـيـهـا ... ولاد الهرمه وكـل يــوم ولا ألـف جــنـازه يلـعـن بـوذا عـلـى أبـو بـوذا الله يلعن بـوذا ...  بقلم شاعر الحدث الشاعر يوسف الحمله 13/9/2017

يا صحرا ... ( للشاعر يوسف الحمله )  يا صحرا يـا مرويه بـدم الــولاد يالي زرعك طالع بالعرق والعناد مين اللي  قـتـل فـيـكي النخيل ومين اللي جـرف زرع الأجـداد مين بـالنيبال إصـطاد العصفور ومين غـطا القمر وحجب النور ومين دفـن فيكي نهضة الـبلاد قولي لي مين يا طاهره يـا مـرويـه بـدم الــولاد وأنـا واللهِ أسيـح دمـه وافرقه ........  على كل العباد ...  يا صحـرا يا مرويه بدم الولاد ...  يالي رملك فـيـه حـديـد وذهب ومـنـجـنـيـز يالي رملك كـان ومـازال مـطـمـع الإنـجـلـيـز يالي رملك هـــان عـلـى نــاس دمــهـا نــجــس وعلى ناس طـاهـره مـازال عـزيـز يالي رملك ما يتقدر بأي ماااااااال ولمـصـانـع الحديد بيتباع رخيص يالي رمـلك عـشانـه ضـحـت نـاس ولو العائد للضحى مش للخسيس مـا كان إيـد أولاد الشهدا إتـمـدت للجبنا والـجـرزان وخـونة الرئيس يستـاهـل رمـلك يـا طـاهـره أيـوه يستاهـل كتيييييييير يا رمله يا مرويه بدم الولاد واللهِ الأحـفـاد مش عايـزين غير بس يدوب حب...

يوم ميلادك ( للشاعر يوسف الحمله ) ( مقصودة )  يـوم ميلادك إحنا اتوجعنا إحنا إندبحنا إحنا إنخدعنا إحنا خدنا خااااازوق كبيير وصدمـه ليها ولا ألف معنى يـوم مـيـلادك يـوم النكسة يــوم الخيبه يــوم الواكسه يـوم الـفـرقه يــوم الشماته يـوم نصبايه وكانت عكسه يـوم مـيـلادك خــزي وعــار شيطان ضـرب الأمـل بالنار وكـدبه صبحت مليون تـار كدبه من أستاذ فشاااااااار حـرام أعيش يــوم ميلادك مـن حــيـاتـي أنـا هشـطـبـه يا خـايــن كل شباب بلادك يا حـارق كـل إللـي بـنـكتبه إنت زيك ومنك كتيييييير يـروح زعيم ويـجـي زعيم ويلاقي وراه كاااااام بهيم لعبه وإنـكشـفـت على الملأ وبـرضـو هـو نـفس الـغـيـم إللـي جـــوا الـعـــيـن مـــرق يوم ميلادك ... ( ملحوظة هامة هذه القصيدة ليست سياسية ولكنها عن شيء في نفسي )  بقلم شاعر الحدث الشاعر يوسف الحمله 9/9/2017

المرأة الريفية الجزء السادس ( للشاعر يوسف الحمله )  ( وعن الكرامة أتحدث بلسان المرأة )  كسر لي سنه ... طـول عمري فـ طيبه مفرطة وعمري مـا كنت يوم معفرته والشر ده كـان تحت مداسي إتـجــوزت بشـوره مــن أهـلي مــن قبـل الحـب مـا ينـدهـلي وانـا والطـيـبه شيء أسـاسي عشت لي فـي النعيـم شهرين وفـاجـأة يـجـي غــراب البين ويتـرك أثـره عـلـى الكــراسي عـلـم جـوزي حـاجـات مريعه حـاجـات مخـالفة لأي شريعه رفضت ورفضي كان أساسي غـزانـا الغـرب بـدون رصاصه زرع فـي نـفـوسنـا الـطـفـاسه وشال حاجات كانـت رواسي خرجـت حياتي مـن المراسي كسر لي سنـه أبـو قلـب أسي بـوظ لي شكـلـي قـدام ناسي وكل مـا أركـب لها طـربــوش يــقـع في الأكـل وملـقـهـوش يـقـع ويـقــع مـعـاه إحساسي  وأمشي ودارى بوقي بـإيـدي والـدم بـيـغـلي فـي وريـــدي والشيطان بيلـعب فـي راسي إزااااااي ويـبـقى أبـو عـيـالي ويـحـطــم جـوايـا كـل أمـالي ويـزيد فـ حيرتي واحتراسي حـرمني حتى مـن إبتـسامتي جــرد انـوثتي جــرد كرامتـي وده أخـرة طيبتي وإخلاصي...

عـمـلاق الدراما ( للشاعر يوسف الحمله ) عن الكاتب الراحل محفوظ عبدالرحمن  ورحـل عـمـلاق الـدراما .... وساب بقلـوبنا عـلامـه .....  مــن بـوابـة الحـلـواني .....  وتــاريــخ بــدون تـــزويـر ونـاصـر سـتـه وخـمسـيـن والعدوان الثلاثي الخطير والبـطـل سليـمـان الحلبي ومـقـتـل كـلـيـبـر الـمـثـيـر والـ مظفر  مـحـمـد الفاتح صـــاحــب أنـقـى ضـمــيـر ومعركة القادسية ولهيبها ونـصـر المسلـمـيـن الكبير ولـيـلـة سـقـوط غـرنـاطـة وصــراع الـشـر والـخــيـر وحــكـايـات الـزيـر سـالـم وحـرب البسوس الـمـريـر وتـاريـخ سومـه وحـلـيـم والفن اللي كـان بـضـمـيـر الله يـرحـمـك يا محفوظ يـالـي نـاديـت بـالـتـغـيـير الله يـرحـمـك يا محفوظ يـا مـلك مـلـوك الـتـعـبـير  عـمـلاق الدراما عن الكاتب الراحل محفوظ عبدالرحمن بقلم شاعر الحدث الشاعر يوسف الحمله 22/8/2017

قـتـل زرعـة الأرز  صرخه إلى رئيس الدوله ( من الشاعر يوسف الحمله )  >>>>>><<<<<<< إزاي كيلو الأرز بـعـشـره جـنـيه وعندك يا فلاح بـ تـلاتـه جنـيـه وخمسين قـرش يا عالم كفاية غش كفاية نـهش كفاية هبش وحشو في الكرش يا غـرفـة التجارة كفاية هبش يا وزارة التجارة كفاية نهش يا شعبة الأرز كفاية هبش يا حيتان الأرز كفاية نـهش بكلمة منكم  يفتح التصدير  وبكلمة منكم  يتقفل التصدير  والـفـلاح الفقير  ما ينوبه من الأرز  غـيـر الـقـش  بالله عليكم قـادريـن تمشو بالكرش يوم القيامة هتقولو ايه لـرب الـعـــرش شوفوا وشكم في الـمـرايـا مـــن النهش والنشل والنهب واللطش ضميركم مرتاح والله لا وانتي يا وزارة الـزراعة يا مليانه بالفساااااااد يا مضيعه حق العباد يا بايعه مية المجاري ومولعه في سعر السماد كفاية سمساره فـ الأراضي ومصمصه في ثـروة البلاد يا نـازله فـ الـفـلاح حش يا وحش بمليون وحش ( يا رئيس الدوله )  إسمعنا ....  إلحقنا ...

هريدى وأمه ..  والسكه الحديد ..  هريدى .... هو أنـا لسه صغار  متخافيش يامـاي مـتـقـلـقـيش علىَّ هو أنا مسافر بره دانا رايح إسكندرية الأم ....  بتقول ايه يا كبدي لو مخفتش عليك امال أخاف على مين دانـت بُـعـدك عني واللهِ على نــن العين هريدى ....  أبويا مات يا ماي وأنا راجـل البيت واخـواتـي البنات عـلـى وش جــواز وانتي عارفه الجهاز أنا إستخرت الله وصليت الأم ....  خلاص يا نـضـري قولي هتركب ايه إوعي تقولي القطر عزرائيل ساكن فيه هريدى ....  أبـاي عـلـيـكي يا ماي عزرائيل في كل مكان هو احنا هنهرب منيه الراوي ....  وسافر هريدى بالقطر ومـرجـعش يا ولـداه وانـكـسر ضــهـر أمـه واغـمـقــت الـحــيـاة حظك كده ياهريدي يـجـي عـلـيـك العيد تلبس تـوب الشهادة بـإيد السكه الحـديد وأمـك تعَيد وحيده واخواتك تـمد الايد أصلك عايش في بلد الـظـلم فـيـهـا عـنـيـد لا راضي مره يسيبها ولا يـرحـم الـعـبـيـد !  هريدى وأمه ..  والسكه الحديد .. بقلم شاعر الحدث...