متجيش علييا بقلم الشاعر / محمد العربى

متجيش علييا
حلمك علييا و مش كده
و متجرحيش بالشكل ده
بصيى ف عيون متعوَده
على ضحكتك - على فرحتك
على صرختك و قت الألم
قلبى اتألم
دنا لمَا بشتقلك بشوفك فى القمر
ورق الشجر --
-فى الورده لمَا تميل
و هييا مفتَحه و متزوَقه لنسمة هوا
فى الصبح و انتى مشقشقه
واسمع لصوت الزقزقه
و الشمس لسه مشرَقه و بتشدنى
و النسمه لمَا تفوت و تحضن فرحتى
و الكلمه من صوتى اللى عاشق غنوتى
و الصبر لمَا يكون مزوَق خطوتى
متجيش علييا
بقلمى \ محمد العربى

تعليقات

المشاركات الشائعة من هذه المدونة

فِي يَومِ اللُّغَةِ الْعَرَبِيَّةِ لُغَةُ المَلَائِكَهْ...(للشاعر يوسف الحمله) من البحر الكامل

الفارس الملثم(للشاعر يوسف الحمله) من البحر الكامل

السيادة وفخ المال(للشاعر يوسف الحمله) من البحر الكامل