إفهميني ... بقلم الشاعر القدير / جابر سليمان
افهميني
-----------
افرد بايدك خطوتك
عدد الليالي والسنين
عدد شهور الالم
كما صرخةااللي انظلم
وقهرة العاشقين
وف دفتر الصمت الرهيب
ساطر كلامي
البعض منو شجن
والبعض منه هم
كلام وصابه العفن
احساس وكلو غم
كرهت فيكي الامنيات
والذكريات
وكل حاجه عيشتها
راحت وجات
اصل المعذب في غرامك
يا حبيبتي
حقيقي واهم
كنت فاكر ان الطريق
سهل وضعيف
يدوب شهور
يمكن الأقيكي
في غنايا
ولو حتي في حلم خفيف
حلم عفيف
شرعي
تشهد عليه الكائنات
كل الحاجات
لا عمرو كان بهتان
ولا عمرو كان بدعة
ولا عمرو كان احسان
ولا شفتهوش سلعة
أنا حبي زي الطيف
شجرة كبيرة مفرعة
تطرح في ليل الامنيات
كما نسمه وسط خريف
ما يهماش الشتا
ولا لسع نار الصيف
لكن لقيتني في سكتك
بانسج خيوط الوهم
والفكر زي السهم
رايح جاي
باحرق في ليلي
وغربتي وصباي
والسكة ليكي بعيد
وانا في الطريق مشاي
وبرغم كل الحب
وبرغم كل ليالي
الضنا والفكر
ويّا الهم
أنا باعتذرلك
مش قادر اكمل
صدقيني
وارحميني من سكة سفر
حاولي مرة تفهميني
واتركيني
يارب بارك خطوتك
ويزرع طريقك بالورود
حلوة جميلة منورة
أجمل عروسة ف الوجود
يسعد لياليك الحسان
تطرح بشايرك يا بلادي
من غير أوان
من غير ميعاد
ولحد ما نبقي كده
لو سمحتي اتحمليني
افهميني
#جابرسليمان
تعليقات
إرسال تعليق