...التسامح...للشاعر المبدع...شاعر الريف البسيط · رافت الضبع التهامي
التسامح
________________________________
التسامح كلمه جميله بنقولها كل يوم
لاكن في وقت الجد وساعة اللزوم
عروق المحبه بتنفصل وتقول مفيش عليا لوم
لا يابن الحلال انا وكل الناس هانلومك
ودي نقطه سوده وتقعد ليوم الدين ف هدومك
ارجع وفكر وعيد الرأي من تاني
قبل ماتنفصل عن الناس وتعيش باقي العمر وحداني
ومش كل من له حق رفع سلاحه في وجه الناس
واسمع كلام الكبير ومتخليش كلامه في التراب ينداس
وفعلا صحيح إن الحق ليك
بس متخليش الشيطان يذلك وتخلي اخوك يعاديك
وسامح في حقك دا مهما كان انت ليه وهو ليك
واجلس معاه وصفي قلبك واعرف المعنى
وسلم عليه واحضنه وخلي الفرحه تجمعنا
وابعد عن كلام السوء علشان مش هاينفعنا
_______________________________
تعليقات
إرسال تعليق