..أنا_وطَنِك_لما_تحبيني..للشاعر المبدع..محمد عامر الشاعر
آخر الأخبار
وانا إبنِك لما تهَدِّيني
وانا فرحِك من غير الدمعة
وانا نسخة صورتِك ف مرايتِك
وانا كل بدايتك ونهايتك
وانا نور ف عيونك لو شايفة
وانا بحر حنان لو يوم خايفة
وقت ما اقربلك ضُمِّيني
وقت ما بحتاجلك طاوعيني
محتاجلِك دنيا اعيش فيها
أوطاني وبتطَّمِّن بيها
وحياتي اللي معشتش فيها
وحنين موجوع... وكلام مسموع
وحاجات مكتومة هخليها
مش طالبة عتاب ولا ده مكانُه
د الوقت مخصص لأدَانُه
وهسيبك طبعاً لضميرك
انا بيكي هكون مش من غيرِك
انا شاغلك طبعا متأكد
أنا اصلاً واخد تفكيرك
د لإنّ مكانك جوّايا
متنَقِّلة من حِتَّة لحتة
في القلب مربعة على عرشك
وف دمي بتجري مع وريدي
أحضاني ف ليلك كات فرشك
وشفايفك مرسومة ف إيدي
وملامحي بتدي على ملامحك
من نَفَسِك يخرج تنهيدي
مش حابب أبداً يا حبيبتي
إننا نتعاتب ع الماضي
طاب مين اتعاتب واتراضى
تضيع للوقت على الفاضي
أنا بطلب منك كام حاجة
خليها ف دفتر أيامك
أصعب أوقات وقت الحاجة
وقت ما بتعذب ب كلامك
محتاجلك ..قولي انا محتاجة
هتلاقي حبيبك قدامك
مش هبعد عنك لو ثانية
لو نمتي هاجيلك ف منامك
هتلاقى دراعي بقى وسادة
ترتاحي وازورك ف احلامك
والعاشق طبعا يا حبيبتى
معذور من كتر ما بيحبك
خليني حبيبك هتلاقي
بستان من حب ف باب قلبك
وهخَبَّط على بابك تاني
وهاجيلك وانا كُلِّلي أمانى
يا ملاكي يا أجمل بنوتة
يا سعادة ف أحزان مكبوتة
يا حبيبتي يا نور عينى يا (توتة)
😉
😉
.....مين توتة دى يا عم الحج
😂😂😂😂
😂😂😂😂
تعليقات
إرسال تعليق