الوحدة بقلم الشاعر / رزق ابو ليلة
((( الوِحدة ))) كلمات / رزق ابوليلة
وكوريا بتعمِل النووىِ
وجوّا الهند مِيِت مِلة وخمسين دين
وتجمعنا سما واحدة حدود واحدة
ونتعارك مع الوِحدة بصوت وأدين
ومين إخوان يكون حابب لناس حمدين
ومين حمدين يكون قابل وشوش تانييِن
ومين لو يوم يكون سيسىِ
يكون بيحب بنىِ آدمين
ولو أخويا وعمىِ وصاحبىِ مختلفين
أشيل الطين ؟؟؟
أفوت الدار ؟؟؟
لا كان حسّان ف يوم غاندىِ
ولا الشعراوىِ كان مُختار
ولا فايق بيعمل زار
ولا مؤمن يكون سكران
ولية جرجس ماعاد بيصوم معانا رمضان
ولية بنكفّر المُسلم ناهيك عن دقة الصُلبان
ولية الجان بقت تهرب من التوَهَان
ولو يتهَان ما بينّا شريف
ولو خونّا كُل نضيف
ولو ترّخنّا بالتحريف
فا عيشىِ يا دُنيا وسط النور
وَطَنَا كفيف
ولَفلفنَاة عباية الليل
وكفنّاَة جَدَل من ويل
وتفضل بس ريحة الدم ع السكة
بتطحَن جيل
يئن النيل ف شرخة ناىِ
وطعم المُر والعلقم مع الصُحبة
ف شَربة شاىِ
ويفضَل بَس سيب وأنا أسيب
تقطّع ف القميص للدِيل
يا كُل أصيل :
ما تاخد ياخىِ ريحة الورد وأرمىِ الشُوك
لا أنا صورة وبالكربون ولا بَردو عَلَيَاتهون
وأَكرَة كُل من يأذُوُك
وأنت وكُل من حَبّوك معاكو الحق
لكن ماتثورشىِ ع الأرحام
دا حتىَ الديب ماياكُل زَقّ
وبردو يسَايس الأغنام
وسِرّو ف بير
ولا تنسَالىِ يوم كلمة وقعدة حصير
ولا هانشوف بعين واحدة و سلامنا ضرير
وسِلّ السيف يا إبن نُصير
وأنصُر فينا كلمة حق
وهات طارق مابين بَربَر
عشان يُحصُر ف كلمة فرق
ولية الأندلس زالت ؟؟؟
عشان ضَيّعنا فينا الدين
وفَرّقنّا مابين الخلق
تعليقات
إرسال تعليق