أنا راجع بقلم الشاعر/ نادر المغلوب
أنا راجع
مين ال قال أنا مش جاي
مين ال قال أنا ذكري
لأ يا أمى أنا راجع
أنا إمبارح أنا بكره
٠٠٠٠٠٠٠٠٠٠٠٠٠٠٠٠٠٠
فى نور الصبح من تانى هاغنيلك
وقسم وقول مواويلك على نيلك
بصوت الناي
٠
في تاريخك أنا ال بكتبلك ومكتوبلك
أنا يامصر من ضلعك ومن زرعك
هاخون إزاى
٠
هاخونك ٠ هاخون نفسى هاخون إسمى
ولا فقلبى تترسمى وأشوفك وإنتى تبتسمى
ودا كل مناى
٠٠٠٠٠٠٠٠٠٠٠٠٠٠٠٠٠٠٠٠٠٠
أنا مسلم بالقرآن وبالسنه
وأخويا شقيقى مينا ومرقص وأبو حنا
وأنا ال فرحه بتحنى
٠
وفى الكنيسه وفى الجامع
وفى الحاره وفى الشارع
الذكرى الحلوه بقيلنا
٠
أكيد فاكره
٠
أكيد فاكره إنى أنا لونك
وزرعت الحب فى بطونك
ورسمت البسمه بعيونك
طب ليه مغمضه جفونك ومش شايفه
٠٠٠
ومش شايفه إنى أنا بابك
فلاح وسجد على ترابك
ووقت الشده بكون نابك
بكون سيفك على أغرابك
وشايل الهم ٠
أكيد عارفه
٠
أكيد عارفه إنى أنا راجع ومش ذكرى
ما كسرت الصمت فى سكوتك
أنا صوتك أنا بكره
وأكيد بكره بصوتك جاى
بقلم الشاعر نادر المغلوب
تعليقات
إرسال تعليق