...اتوه...للشاعرة المبدعة...هاله شوكت...
Hala Shwket Eldolify
اتوه
ماتيجي تتوه في الدنيا ماتيجي تتوه
وتنسي شويه لوثانيه تعيش معتوه
اقولك ايه اسمك متعرفهوش
اقولك فين بلدك متعرفهاش
اقولك فوء حبه تقولي بلاش
سيبوني اتوه اعيش معتوه
عشان انسي.حياتي اعيش
عشان انسي متجرحنيش
شايفني بلف شايفني بدور
ساعات اهدا ساعات انا اثور
بلف بدور في ساقيه بدور
تقولشي جمل دايخ تقولشي اناطور
سيبوني اتوه اعيش معتوه
عاوزني افوء حياتي تروء
تروء ازاي وانا عايش بشر مخنوء
تعالي نبص حوالينا تعالي نشوف
تعالي نبص بعنينا تعالي نطوف
في ايه قولي ميجعلنيش اعيش مكسوف
مش داابني اه ابني كبرته وكنت عليه عليه ملهوف
ودلوقتي اقرب منه اموت من الخوف
عنده عيال ومفيش مال ويصرخلي مفيش و مفيش
وروح يابه بعيد يابه متلزمنيش
ملكش مكان ولا يهم تموت تعيش متلزمنيش
هروح لاخته واشوف النظره في عيون جوزها
ويرميها ويبيعها عشاني عمره ميعوزها
وهبقي تقيل وحمل اكيد
فخرج اجري اروح لبعيد
فسبني اتوه اعيش معتوه
حياتي ملهاش لازمه
وجودي عامل ميه ازمه
فسبني اتوه اعيش معتوه
اتوه...هي ماساه حياه بيعيشها معظمنا
اليوم الاربعاء...الساعه 7 الاربع
27 7 2016##
هاله شوكت
تعليقات
إرسال تعليق