بتحكي ايه وتقول لمين..محمدالباز

بتحكي ايه وتقول لمين
يا شيخ نبيه ياابو عمتين
شمالك يمين وتقول امين
وعلي خطوتين تدوس بنزين
حكايتك ايه ياابو الضلال

تدوس كتير وسايق الدلال
وشايف الكل شمال
وماشي برضه بعنهجية
ماهي مصر مش التكية
اللي سابها ليك ابوك
لا ياروح.امك وستك
هي ام الدنيا ديا
مش واقعة في غرام اهلك
دوست ياما ناس كتير
ااالدكتور وااااالغفير
وكله عادي كان يعدي
شايفين مخك مصدي
ماهي الدنيا مش ليك وحدك
مرة عندك مرة عندي
لكن انت شيء غريب
جواك الغل مريب
ماشي دايما عكس الحياه
ناس تصرخ وتقول الاه
وجواهم التعب يقطع
وانت عايش في القصور
واللي يقولك مرة اه
تقوله انت ياعم غوووررر
مش شطارة طول اللسان
ولا العين اللي بالالوان
الشطارة ازاي تكون
راجل في الحق جدع
مش تسب سيدنا النبي
وترجع تقول مطلبي
عفو ورضاك ياربنا
مش اي هري تقول كمان
وترجع من تاني تسبنا
بتحكي ايه وتقول لمين
ياشيخ نبيه ياابو عمتين
اعرف انها مش دايمة ليك
مهما تدوس هتشوف عنيك
ان خلق عايشة الحياه
رغم الالم بس النجاه
بذكر ربنا والنبي
ياريت تعرف وتختشي
ان لو كان ده مرتضي
كنت زمانك في الفضا
والكل شايفك كدة وكدة
ياشيخ نبيه ياابوعمتين
احفظ لسانك وصون الدين
ومتقولش لفظ عن الامين
بتحكي ايه وتلت في عجين
ياشيخ نبيه ياابو عمتين
/_/_/_/_/_/_/_/_/_/_/_/_
محمدالباز
15/3/2016