يا امه بجد وحشاني بقلم الشاعر / حسن الشوان
يا امه بجد وحشاني .............
................عامية / خاص بالمسابقة......................
يا أمه زهورك
طرحت علي أغصاني
إنت الأمل ونورك
هون عليا زماني
والشمس وشعورك
اللي دايمـــا مدفيـــــاني
والربيع اللي زهزه بســــتاني
والحضن اللي خدني وكساني
وعطفك طبطب عليا ودواني
روحك عايشه فيا
وعينك لون عينيا
وأسمك بيرطب لساني
علمتيني الصبر
وزرعتيه في كياني
دقتي المر عشاني
سهرتي علي راحتي
ومن اجلي كافحتي
وعمرك ما إرتاحتي
إلا في عمق أحضاني
يا امه فين راح خيرك
ياأمه توهت من غيرك
وسيرتك اللي مصبراني
أمه يا أجمل كلمه
أمه يا اغلي نعمة رباني
نفسي أبوس إيدك
ولمسة إيدك وحشاني
وأقابلك في يوم عيدك
وطلة عينك شغلاني
أحتار في وصفـــك
وفي رقتك وعطفك
ومن غيرك عايش وحداني
وعطرك في شهيقي
وحبك الحقيقي في وجداني
يا أًصل البسمة وأروع نسمة
مستحيل تعود عليا تاني
انا فاكرك ومش ح نساكي
انت في دمي وشرياني
واتمني اشوفك والقاكي
وتكوني المرادي سمعاني
....................................................................
................ إحساس الشاعر /حسن الشوان ..........
تعليقات
إرسال تعليق