بكتب في حروفي بقلم الشاعر / محمدالباز
شعر عامية
*************
كلمات
محمدالباز
**************
بكتب في حروفي
****************
17/3/2016
************
بكتب في حروفي
وبتأني
وبقول ياخوفي
ازاي اكتب
وانتي اللي هتشوفي
كلامي
كله عشانك يتذوق
ياام الحنين اللي جوايا
عشانك في قلبي بروق
ماانتي اللي بيكي هوايا
يطير نسمة علي الخدين
ترسم ضحكة ورمش العين
يتكحل بصورتك فيه
ويشوفك قمر لياليه
اقول معجب
اقول حابك
اقول عاشقك
ولا شيء يقول وصفك
عايش فيها وعلي يدك
كتير ازهق واتنرفز
وضميني بحنية
واقولك ياأمة متعصب
تقولي انت ياعنيا
ارمي همك واقلب
وعيش دنيتك ديا
فرحة ومني خليك هنا
في قلبي واوعي تتغرب
عارفاك انك بتتعصب
لكن دايما لأحضاني
فاتحة وليك ياكياني
عمري مرة ماراح اقفل
من صغرك وانت بتزلزل
وبستحمل وهستحمل
ولأخر عمري انا هكمل
معاك خطوة تخطيها
وضحكة امل بترويها
تقول ابعد تقول امشي
اقولك لأ متجرحشي
ومتسألشي
ازاي عايشة
انا بعدك
ازاي قادرة علي بعدك
دا قلبي عليك بيتنشي
مع كل خطوة بتتمشي
تدق جوايا الهمسة
واقول يارب خليه
تزعلني
وتألمني
وبرضه عليا مبتهونشي
ومتسألشي
ازاي عايشة
كفاية ليك انا شايفة
ومش عايزة
غير شمسك وماتتمسي
عدي كتير ياأمايا
ولسة برضه جوايا
لمسة ايدك علي وشي
وضمتك ليا في صغري
كتير قووووي غلبتك
اتشاقي واتهرب
وتنادي عليا بطيبتك
يامحمد اهدي وماتقرب
من النار لجل غلاوتي
وأسوق فيها واخرب
وبرضه انتي
شايلة همي
وفي قلبك
تدعي ليا بالتقوي
وتقولي دعوتك ليا
وبرضه لسة بتشاقي
وبتزيدي حنية
وضميني بزيادة
واقولك خلاص
انا خطيت
ويكون احساسك كالعادة
شهد بيرويني كلي
وتقولي مهما تبعدني
راجع تاني ل حضني
تشرب حنية وبزيادة
وافتحلك كفوف فرحي
وازرعلك جناين وردي
وتأخد منها ولاتدي
ولا ازعلشي
لانك انت اللي في قلبي
عرفت مقامك ازاي يابني
من صغرك وانت متربي
وتأخد مني ولا بتدي
ولا ازعلشي
لانك انت اللي في قلبي
ولا اقولشي
غير يسعدك ربنا ياولدي
ولا تحزنشي
******************
محمدالباز
17/3/2016
تعليقات
إرسال تعليق