سنه حلوه " بقلم الشاعر / مينا وجيه
سنه حلوه "
محتار ابدأ كلامي بأيه
محتار اوصف فيكي أيه
انتي مدرسه منها بتعلم
ومهما احكي ولا اتكلم
هعجزعن وصفك
وهقدم إعتزار
عندي كلام انا لو اقوله
متأكد ان عمري ما يكفيش
ونجم السما لو بس اطوله
اجيبهولك لكن ما بيديش
ياللي روحي تروح ف ثانيه
لو بعدتي عني يا اما
ياللي حضنك دنيا تانيه
يا احلي حب واحلي ضمه
طب اسمحيلي اقولك انتي
مهما روحتي مهما غيبتي
ساكنه قلبي وساكنه بالي
ما انتي امي ايوه وحبيبتي
ياللي حتي ف عز همك
لسه برضه عايله همي
ياللي حبي جوه دمك
يا احلي حاجه يا امي
انتي حضنك هو بيتي
هو عنواني ومكاني
ياللي عمرك ما اتخليتي
عني لو حتي لثواني
ياللي دايما بدعي ليها
طول صلاتي انا واقول
خد من عمري واديها
بس تفضلي علي طول
انتي حاجه وجودها نادر
وحب وصفه مستحيل
مهما اسافر ولا اغادر
مش هلاقي ليكي بديل
ياللي حلو العمر كله
في غيابك يتحول صبار
يا شمس قلبي وضله
انتي الليل وانتي النهار
يا ورده جميله ف بستان
يا ابتسامتي وفرحتي
يا نهر من الحب والحنان
يا احلي حاجه ف دنيتي
كل سنه وانتي معايا
وانتي فرحي وانتي غنايا
ولو حياتي ناقصه حاجه
وجودك بس فيها كفايه
كل سنه وانا فعينك
مهما بكبر طفل صغير
ياللي العقول من حنينك
بقت تستغرب وبتتحير
ياللي سهرتي ليالي
وتعبتي عشان ارتاح
بحبك حب غالي
حب مفهوش جراح
سنه حلوه يا اجمل ام
يا ايد بتطبطب وحضن يضم
سنه حلوه يا كل ما ليا
يا روحي وقلبي ونور عينيا
سنه حلوه
يا كلمه ومعني يا بيت بيجمعنا
مهما كانت الظروف
يا عزوه ولمه يا احلي ضمه
بتنسينا كلمة خوف
يا أجمل حياه ده انتي المناه
يا نور عينيا
يا وطني وبلادي وبيتي وولادي
وكل ما ليا
يا قلبي وسندي وبنتي وولدي
يا حب كبير
يا سايبه علامه يا احلي ابتسامه
بتفائل بيها خير
يا دائي ودوايا حبك حكايه
مش موجوده ف كتاب
ف بعدك بقاسي يا اهلي وناسي
يا اعز واغلي الاحباب
يا بخت اللي بيكسب دعاكي
ربنا بيكرمه طول الاوقات
ويا ويل اللي بيعصاكي
بيعيش تعبان لحد الممات
احلف واقول مهما يطول
عمري يا امي هعيش معاكي
وربي ف سماه طول الحياه
هكون يا امي طالب رضاكي
سنه حلوه
كلمات:الشاعر مينا وجيه
تعليقات
إرسال تعليق